Русија во петокот објави дека возвраќа на проширените санкции коишто ги воведоа западните земји поради присоединувањето на Крим, но не наведен ниту едно име на американски или европски функционер кој е опфатен со нив. Рјабков во контекст на тоа изјави дека Москва нема намера да ги имитира западните колеги и нема да ги објави листите, пренесува Интерфакс.

САД и Европската унија воведоа два круга забрани за издавање на визи и замрзнување на имотите за 33 руски функционери, пратеници и советници на претседател Владимир Путин, за да ја казнат Москва за присоединувањето на Крим каде локалното население со огромно мнозинство изгласа на референдум истапување од составот на Украина и всушност по 60 години враќање во составот на Русија.

Русија на почетокот од март воведе санкции за девет американски функционери и конгресмени, и го забрани влезот во земјата за 13 канадски функционери, пратеници и јавни личности,

Рјабков, исто така изјавил дека меѓу Русија и САД и натаму постојат основни разлики во врска со Украина, но дека продолжува и барањето на заеднички став „кој на крајот би можел да им биде понуден на Украинците”, пренесува агенцијата. „Ова е суштината на она што моментално се одигрува во дијалогот меѓу Москва и Вашингтон”, изјавил Рјабков за Интерфакс.

Шефовите на дипломатиите на Русија и САД, Сергеј Лавров и Џон Кери, во недела ќе се сретнат во Париз додека двете страни настојуваат да ги намалат тензиите во најголемиот судир меѓи Западот и Истокот по Студената војна.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.