Индустриското производство во февруари годинава бележи пораст од 4,1 отсто, објави Државниот завод за статистика.
Во секторот рударство, вадење камен во однос на февруари 2013 година, бележи пораст од 3,5 отсто, во преработувачката индустрија бележи пораст од 10 отсто, а во секторот снабдување со електрична енергија, гас, пареа и климатизација опаѓање од 21,5 отсто.
Според главните индустриски групи, производството во февруари 2014 година, во однос на февруари 2013 година, бележи пораст кај интермедијарни производи, освен енергија за 15,5 отсто и капитални производи за 39,1 отсто, додека опаѓање бележи кај енергијата за 16,5 отсто, трајните производи за широка потрошувачка за 7,2 отсто и нетрајни производи за широка потрошувачка за 0,4 отсто.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
