Претседателот Иванов во Куманово

Претседателот Ѓорге Иванов денеска беше во посета на Куманово, каде што со граѓаните разговараше за нивниот секојдневен живот, разменија мислења и дадоа предлози за натамошен развој на градот.
На средбата, жителите на Куманово ги поздравија поволностите за инвестирање кои ги овозможуваат владините мерки и истакнаа дека очекуваат зголемен број на странски инвестиции во Куманово и околината, со што значително би се зголемила вработеноста кај населението и би се допринело за економски развој на градот.

Во овој контекст беше посочена македонска компанија „Стил Кон“ за челични конструкции која заедно со холандскиот партнер „Герлико“ отвори нов современ погон во Куманово и вработува голем број на лица од овој крај.
Претседателот Иванов порача дека покрај странските инвеститори, и домашните бизнисмени треба да ги искористат економските поволности кои ги нуди Владата.

Во рамки на посетата, претседателот Иванов посети стопански комплекс во кумановската населба „Карпош“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.