Двократниот олимписки победник, Британецот Мо Фарах, се онесвести на целта на полумаратонот што се трчаше во Њујорк. Освен што колабираше на крајот, тој паднал и во текот на трката, но успеал да продолжи и на крајот завршил како втор, зад Кениецот Гофри Мутаи.
Олимпискиот шампион од целната линија беше однесен со болничка количка, а по неколку часа им се обрати на своите навивачи преку „Твитер“:
– Се чувствувам добро. Ви благодарам на грижата. Разочаран сум од пласманот. Дадов 110 проценти од своите можности. Не можев повеќе – напишал тој.
Фарах на олимписките игри во Лондон во 2012 година победи на трките на 5.000 и на 10.000 метри.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
