Десет години од последната снимена сцена на „Пријатели“

Полни десет сезони, односно 246 епизоди траеше една од најпопуларните серии на сите времиња „Пријатели“. И по една деценија обожавателите на серијата не престануваат да се надеваат дека ќе се снимат нови авантури со главните јунаци.

Многу е мала веројатноста дека тоа ќе се случи иако тоа би им било од полза на повеќемина. Метју Пери немаше забележителна улога по серијата, а во меѓувреме се бори со зависноста од кокаин и алкохол.

Мет ле Бланк се избламира со неуспешната серија „Џои“, која прекина по 46 епизоди. Кортни Кокс ги полни страниците на жолтиот печат со тоа како го уништила лицето со ботокс и со новото момче по развдодот. Лиза Кудроу имаше неколку забележителни улоги, но се жали дека луѓето сѐ уште ја препознаваат само како Фиби. Дејвид Швимер стана театарски и филмски режисер со половичен успех. Единствено Џенифер Анистон ја задржа славата, а многумина тоа го препишуваат на нејзината убавина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.