Триесет и шест нови спортски сали се изградени преку проектот на Министерството за образование и наука за изградба и опремување на 145 училишни спортски сали кои, покрај ученици, ги користат и жителите на општините.
– Во изминатите неколку години се изградени комплетно нови 36 спортски сали, поголеми или помали во зависност од моделот и од локацијата. Петнаесет се во градба и се очекува во следниот период да бидат завршени – изјави денеска министерот за образование и наука Спиро Ристовски.
Тој нагласи дека се работи за еден од капиталните и најзначајни проекти на Владата, во кој досега се инвестирани приближно 1.186.000.000 денари.
– Директен бенефит од изградбата на салите имаат 35.000 ученици. МОН ќе продолжи и натаму да ги гради, паралелно со проектот што го реализира Агенцијата за млади и спорт за изградба на дополнителни 35 спортски сали – додаде Ристовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
