Јанкуловска: МВР и граѓаните се горди на „тигрите“

Единицата за специјални задачи „Тигар“ денеска одбележи 33 години од нејзиното формирање. Министерката за внатрешни работи, Гордана Јанкулоска, истакна дека МВР и граѓаните се горди на оваа единица.

– Во единицата се луѓе кои со својата пожртвуваност докажале дека единицата го заслужува епитетот елитна. ЕСЗ денес е модерна формација, со високообучени специјализирани тимови – посочи Јанкулоска.

Таа додаде дека улогата што „тигрите“ ја имаат во процесот на осамостојување е многу важна.

Припадниците на оваа единица имаат посебно ниво на обученост, вештини и знаење, а забележителни се досегашните резултати на тимовите за спасување, нуркачкиот тим, снајперските тимови и преговарачкиот тим кој е единствен во Република Македонија.

Јанкулоска додаде дека единицата е персонално освежена, а ќе биде опремена со најмодерна опрема и вооружување во рок од две години, со што на одбележувањето на 35-годишнината од формирањето на оваа единица ќе биде завршена и оваа задача.

Припадниците на единицата во знак на благодарност за изразената поддршка врачија плакети и благодарници на врвот на Министерството за внатрешни работи и нивните соработници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.