Ненадејно почина хрватсктата актерка Маја Петрин

Во Загреб во 43. година ненадејно почина Маја Петрин, филмска и театарска актерка која од 2000 година е член на загребскиот куклен театар.

Според неофицијалните информации смртта на Петрин била предизвикана од срцев удар иако тоа се уште не е потврдено од службените лица.

Актерката во 2009 година претрпе срцев удар, по што ѝ биле вградени стентови за проширување на крвните садови. Таа зад себе ја остави 17-годишната ќерка.

Со поширока популарност, Петрин се стекна во 2004 година, кога толкуваше една од главните улоги во првата хрватска теленовела „Вила Марија“, која се прикажуваше и во Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.