Неколку стотици скопјани денеска танцуваа на плоштадот „Македонија“ под мотото „Една милијарда се крева за правда“ и го одбележаа В-Денот против насилството врз жените.
Според статистиката, една од три жени е малтретирана во текот на својот живот, што значи дека повеќе од една милијарда жени се жртви на физичко, сексуално, вербално, психичко и економско насилство.
Во Македонија се подготвува нов закон за превенција од семејно насилство, кој се очекува да ја засили улогата на институциите во заштита на жртвите од насилство, а со самото тоа да овозможи и полесен и побрз пристап до правдата, на што се става акцент на годинашната кампања.
В-Денот е светско движење за превенција, третирање и запирање на насилството врз жените кое има за цел на креативен и мобилизирачки начин да ја поттикне јавната свест околу нулта толеранција за разните видови насилство, силувања и трговија со бели робје.
фото: Александар Ивановски
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
