Најголемата соларна електроцентрала во светот беше отворена покрај границата меѓу американските сојузни држави Калифорнија и Невада.
На церемонијата на отворањето на централата „Ајванпа“ присуствуваше американскиот министер за енергетика Ернест Мониз.
Тој истакна дека оваа централа е пример дека САД ќе се претворат во лидер во сончевата енергија во светот.
Мониз нагласи дека „зелените“ енергии отвораат работни места, ја намалуваат емисијата на штетни гасови и поттикнуваат иновации.
Соларната централа се простира на 13 квадратни километри федерална земја во близиа на градот Прим, во сојузната држава Невада.
Комплексот е вреден 2,2 милијарди долари и се состои од три енергетски блока. Сопственост е на компаниите „Ен-Ар-Џи енерџи“, „Гугл“ и „Брајтсорс енерџи“ и може да произведува околу 400 мегавати, што е доволно за да обезбеди 140.000 домови.
Во комплексот има 350.000 огледала со голема на врата од гаража. Тие се контролираат со компјутер и ја одразуваат сончевата светлина кон бојлери, поставени на 140-метарски кули.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
