Промоција, изложба и монолог во чест на Павел Шатев во Крива Паланка

Градскиот музеј Крива Паланка, под покривотелство на општината организира неколку настани во еден ден посветени на великанот на Македонската борба за слобода големиот македонски гемиџија, револуционер и политичар Павел Шатев.
Во соработка со Архивот на Македонија, ќе биде ивршена промоција на „Ракописната оставштина на Шатев“, неодамна објавена во издание на издавачката куќа „Македоника“ и Архивот на Македонија, а со финансиска подршка на Министерството за култура. Промотори на едицијата ќе бидат д-р Зоран Тодоровски, Предраг Димовски, Нове Цветановски и Науме Георгиевски.
Истовремено во Галерискиот дел на Градскиот музеј ќе биде поставена изложбата „Павел Шатев 1882 – 1951 – Живот посветен на Македонија“, како гостувачка изложба на соседниот Музеј на град Кратово. Изложбата ќе ја отвори директорот на Музејот на град Кратово , м-р Драган Георгиевски.
Настанот ќе започне со извадок од монологот за Шатев од пиесата „Тврдокорни“ во изведба на актерот Доне Донев од Кочани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.