Сајко им свири на кандидатите на „Икс-фактор“

И самиот поранешен кандидат на едно слично шоу, Никола Сариќ Сајко е дел од бендот кој ги придружува натпреварувачите на „Икс-фактор“ на нивните настапи во живо.

Македонската публика го запозна Сајко во 2008 година, кога тој се натпреваруваше во првото и единствено „Операција триумф“, шоу во кое конкуренција му беше и македонскиот пејач Александар Белов.

Девојката на Сариќ, пак, десет години постарата Милица Церовиќ е главниот кореограф на шоуто. Тие двајца ја започнаа нивната врска токму на „Операција триумф“, каде Милица исто така беше главен кореограф.

Својата среќа на „Икс-фактор“ проба да ја најде и уште еден учесник во „Операција триумф“. Никола Пауновиќ, сепак, отпадна после „регрутниот камп“, по што направи голема бука по социјалните мрежи и медиумите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.