Нова линија за производство на акумулатори во Пробиштип

Словенечката компанија „ТАБ МАК“ пушти во употреба нова линија за производство на индустриски батерии во фабриката во Пробиштип.

Вкупното вложување на компанијата во инфраструктура, опрема и обртен капитал досега изнесува 12 милиони евра. Инвестицијата во новата производствена линија вреди 6 милиони евра.

Вкупниот број вработени во 2012 година во фабриката за акумулатори изнесува 170 работници, а во 2013 година е зголемен на 200. Компанијата оваа година планира да вработи уште нови 50 работници.

Според вицепремиерот и министер за финансии, Зоран Ставрески, странските инвестиции ја намалија невработеноста во земјава, што е доказ за поволната бизнис- клима бидејќи во последно време компанииите го прошируваат бизнисот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.