Вујошевиќ му призна на МЗТ: Заслужено победија

Тренерот на Партизан, Душко Вујошевиќ, по вчерашниот пораз од МЗТ Скопје во рамките на Јадранската лига, изјави дека гостите ја искористиле моменталната ситуација во редовите на „црно-белите“ и заслужено победиле.

– Богдановиќ го отстранив од екипата поради недисциплинирано однесување. На полувремето така решив. Доволно кажав. Што се однесува до натпреварот, МЗТ ја искористи нашата специфична ситуација со повредите. Ѓорѓе Гагиќ и Никола Милутинов имаа температура. Но, без обѕир на околностите, веројатно моравме да дадеме повеќе, што се однесува до ангажираноста. Во одреден дел од мечот пристапот не беше доволно добар, а со новите повреди сето тоа премина во паника. Потполно заслужена победа на МЗТ – изјави тренерот на МЗТ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.