Оскаровецот Роберт де Ниро сними филм во чест на татко му по кој го добил името. Иако имал три години кога ги напуштил него и мајка му, актерот баш се му има простено.
“Имав три години кога се разведоа, татко ми повеќе не сакаше да живее во лаги, па на мајка ми и призна дека сака мажи”, вели 70-годишниот актер.
Ѕвездата на филмовите “Казино”, “Таксист”, “Во добро и зло” чекал повеќе од 30 години за да ја открие семејната тајна, за татко му кој умрел во 1993-та од рак на простата.
“Денеска е тешко да се биде геј. Замислете само колку нему му било тешко да живее во лага и да признае во тоа време дека е хомосексуалец и да се носи со товарот. Филмот го снимив поради моите деца. Сакав да го запознаат дедо им и да бидат горди на него”, изјавил Де Ниро.
Таткото на актерот бил сликар, а Де Ниро се уште го чува неговото ателје во Њујорк.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
