Швајцарскиот тенисер Станислас Вавринка во финалето на отвореното тениско првенство во Австралија во Мелбурн го победи тенискиот рекет број еден во светот Шпанецот Рафаел Надал со 3-1 (6-3, 6-2, 3-6, 6-3) во сетови. Тој го освои првиот грен-слем во кариерата.
Супериорната победа паѓа во сенка на повредата на грбот на Надал кој се пожали на повреда во вториот сет при резултат 2-1 во гемови за Вавринка. Тој се повлече во соблекувалната и доби медицински третман, но не успеа да се врати во вториот сет и го загуби со 6-2. Надал увиде дека не може да се движи перфкетно на теренот и пробуваше со „винери“ да му парира на противникот. Во тоа успеа и го победи третиот сет со 6-3. Сепак болките во грбот беа очигледни и Надал мораше да признае дека Станслас Вавринка е подобар од него и заслужено загуби во четвртиот сет, а воедно и во финалето.
Ова е прва победа на Вавринка над Надал во кариерата по 12 порази по ред.
Швајцарецот на овој грен-слем играше фантастично елиминирајќи ги првиот и вториот светски рекет по цели 21 годинa на еден турнир. Во четвртфиналето тој го победи и Србинот Новак Ѓоковиќ.
Со оваа победа Вавринка на новата АТП листа ќе се искачи на третото место и после 14 години ќе му го одземе приматот на Роже Федерер како најдобар швајцарски тенисер.
Фото: ЕПА
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
