Хематоми се забележани на мозокот на возачот на формула 1, Михаел Шумахер, поради што лекарите се скептични за неговата состојба. Поранешниот член на медицинската комисија на ФИА, д-р Гери Хартштајн, истакна дека се многу мали шансите здравствената состојба на Михаел Шумахер да се врати во нормала, по несреќата што ја имаше на скијање, а по која сѐ уште се наоѓа во индуцирана кома. Оттогаш седумкратниот Ф1 шампион имаше две операции на мозокот, а Хартштајн тврди дека тој има повреди и на централниот и на левиот дел од мозокот.
За жал, многу е веројатно дека има уште хематоми, на левиот и на централниот дел од мозокот, а не само на десниот сегмент. Таа зона е од исклучителна важност, затоа што таму се наоѓаат центри кои ја регулираат свеста, чувствата, контролата на крвниот притисок, дишењето и голтањето,изјави д-р Хартштајн.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
