Во поголемиот дел од источна Македонија утрата ќе бидат сончеви, а на запад ќе преовладува облачно време.
Околу пладне ќе почне да врне, пред сè во западните краишта, а во текот на попладнето и вечерта дождот ќе се прошири и на исток.
Според прогнозите не Метеопро, снег ќе паѓа претежно во западниот дел од Македонија, а ќе се интензивира во текот на ноќта.
Дневната температура ќе достигне 10 степени во котлините, а во југоисточниот крај околу 14 степени. На повисоките места во источниот крај максималната температура ќе достигне околу 9 степени, а во западните до 4 степени.
Во скопскиот регион ќе имаме претежно облачно време со дожд кој ќе биде позначителен во текот на вечерта и на ноќта. Максималната температура ќе достигне вредност околу 11 степени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
