Откажаната Ролан се врати по мундијалско злато

Французинката Мерион Ролан ја изненади конкуренцијата и ја освои титулата во женскиот спуст на Светското првенство во алпско скијање што се одржува во австрискиот зимски центар Шладминг. 30-годишната Ролан имаше тежок пад на Игрите во Ванкувер во 2010. година и со скинати лигаменти на коленото безмалку ја имаше завршено кариерата, кога минатата сезона реши повторно да се врати и сега на Франција и го донесе второто злато во спуст на СП по тоа во Чиле во далечната 1960.година.

-Треба да си поставуваме цели за да бидеме среќни кога ќе ги остварите своите соништа. Не се сложувам дека победата е сензационална. Се чувствувам многу добро на оваа патека– изјави Ролан .

Вкупното време на Ролан беше 1,50,00 што беше за 16 стотинки подобро од Италијанката Надја Фанкини. трета заврши Германката Марија Риш.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.