Утревечер, во театарот „Гавела“ во Загреб, премиерно ќе биде изведена претставата „Три Сестри“ од Чехов, во режија на Слободан Унковски, објави „А1.он“.
Ова е првпат познатиот македонски режисер да работи во Хрватска. За „Тпортал“, Унковски вели дека постои мит дека во драмите на Чехов ништо не се случува, но тоа не е така.
-Се обидовме во оваа претстава да ги пронајдеме сите аспекти на животот, кој и не се променил толку многу во последните стотина години, што не’ делат од времето кога настанал овој текст. Не сакавме да нправиме модернизација или дневно политчка актуелизација, но не сакавме ниту локализација . Во оваа претстава нема да се види дека таа настанала денес, во Загреб, Хрватска. Сакавме да влеземе во просторот кој ни го остави Чехов, оној простор во кој тој пишувал и во кој денес го играме, вели Унковски за хрватскиот портал.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
