АЕК воведува едношалтерски систем

Агенцијата за електронски комуникации (АЕК) ќе стане едношалтерски систем со новиот Закон за електронски комуникации. Како што најави министерот за информатика, Иво Ивановски, АЕК ќе биде единствена точка за информации и институција која ќе добие проширен корпус ингеренции.

– Ова се прави со цел да се намали бројот на бирократските процедури. Втора новина е распределбата на приходот од универзалната услуга. Предлагаме да се конкурира и средствата да се распределат – рече Ивановски.

Според него, новиот закон за електронски комуникации е изработен во насока на обезбедување одржлива ефикасна конкуренција, поедноставување на процедурите за влез во бизнисот на електронски комуникации и намалување на трошоците на операторите, поголема координација и поедноставени процедури за градење кои ќе влијаат во намалувањето на трошоците при изградбата на следните генерации броудбенд мрежи, ефикасно и флексибилно користење и управување со радиофреквенциите, броевите и сериите на броеви, обезбедување можност крајните корисници да остварат пристап и да може да дистрибуираат информации или да користат апликации и услуги по сопствен избор итн.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.