Британската нутриционистка Сузан Џеб, која работи како советничка за британската влада истакнува дека не треба често да конзумираме овошни сокови, бидејќи содржат ист процент на шеќер како и останатите безалкохолни пијалоци.
Оваа нутриционистка од Кембриџ за „Сандеј Тајмс“ изјави дека престанала да пие сок од портокал и тоа им го советува и на другите. Ако не можат да се откажат од сокот, тогаш Џеб советува да го пијат разреден.
Според нејзините зборови, овошните сокови не се здрава опција, а посебно не се за секојдневно конзумирање.
– Овошните сокови не се исто што и овошјето и во нив има исто толку шеќер колку што има и во другите безалкохолни пијалоци. Исто така се апсорбира многу брзо, така што вашето тело не знае дали пие сок или газиран пијалок – изјави таа.
Најдобра опција, според неа е да се јаде овошје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
