Пет години од смртта на 11 припадници на АРМ, кои со хеликоптер се враќаа во Македонија од Босна, каде што служеа во мисијата „Алтеа“ на ООН. На нивното спомен-обележје утре свежо цвеќе ќе положи Емил Димитриев, заменик-министер за одбрана.
Хеликоптерот на АРМ, „Ми-17“ во неразјаснети околности падна кај катлановско Блаце. Официјално, пилотот загубил контрола врз леталото рано утрото на 12 јануари во густата магла, по што тоа се превртело и паднало.
Во несреќата животот го загубија потполковникот Тони Спасовски (насловна фото), мајорот Горан Ристовски, капетаните Бране Спасовски и Игор Ѓорески, заставниците Славчо Василев и Тони Давитковски, постарите водници Јанко Шириќ, Мики Ивановски, Александар Тасковски и Александар Васиќ и десетарот Златко Вељановски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
