Со планинска патека ќе се поврзат Охрид и Попова Шапка

Нови 184 планинарски патеки ќе бидат обележани во Македонија, така што вљубениците во природата ќе можат без проблем преку планини да ја изодат територијата на целата држава и да се поврзат со планинарските патеки на другите земји, пишува „Дневник“. Проектот за уредување нови планинарски патеки во 2014 година ќе го реализира владината Агенција за промоција и поддршка на туризмот во земјава. За него преку Програмата за рурален развој Агенцијата за поддршка на земјоделството и руралниот развој при Министерството за земјоделство одобри околу 300 илјади евра.

Најдолга, 200 километри е патеката од Скопје до Крушево, а најтешка и најубава, целата над 2 илјади метри надморска височина е таа од Попова Шапка до Охрид, долга 137 километри. Професионални планинари можат да ја изодат за 7 до 10 дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.