Заев демантира дека има договор со Ахмети: За кандидат со добра биографија и историја ќе гласаат и Албанците

Лидерот на СДСМ, Зоран Заев, тврди дека нема да договара претседателски кандидат со ДУИ иако е подготвен да понуди кандидат што ќе биде прифатлив за албанските гласачи и кои ќе гласаат за него без разлика што ќе им каже Али Ахмети.

– Ако некој мисли дека кандидатот на опозицијата е прифатливо решение, нека гради консензус и нека го поддржи. Среќен сум што мојата партија е подготвена да поддржи кандидат прифатлив за сите граѓани без разлика на етничката и верска припадност, и тој да е натпартиска личност – рече Заев во интервју за емисијата „Вин-вин“.

Тој смета дека Ахмети нема влијание дури и отворено да ги повика да излезат на гласање.

– Не само што Ахмети нема влијание, немам влијание ниту јас. Ако на гласачите им понудам лош кандидат, и тие од СДСМ нема да гласаат. За кандидат со добра биографија и историја ќе гласаат и Албанците – рече Заев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.