Вељаноски: Празникот да ги зближи сите верници

Трајко Вељаноски, претседателот на Собранието на Република Македонија, им го честита Божик на сите припадници со католичка вероисповед посакувајќи овој празник да ги зближи сите верници.

„Христовото раѓање е почеток на духовната промена за човековиот род, меѓник за поделба на новата и старата ера и најрадосниот ден за секој верник во христијанството. Ова е празникот кој е исполнет со многу љубов и топлина, кон Бога, семејството и ближните, како и верба во себе и во другите. Денешниот голем христијански празник нека ги зближи сите верници и нека даде поттик за создавање добри дела, без лоши мисли и почит кон христијанските вредности на мир, соработка и заедништво“, се вели во честитката на Вељаноски, која ја испрати до бискупот скопски и апостолски егзарх, Киро Стојанов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.