Целта на оваа програма е спречување на растот на невработеноста меѓу младите поради презадолженоста на поединечни региони и економската криза.
Според проценките на надлежните институции невработениста на младите во ЕУ годишно чини 150 милијарди евра, што е еквивалент на 1,2 отсто од Бруто домашниот производ.
Во 13 од 27 земји-членки на ЕУ, невработеноста меѓу младите од 15 до 24 години надминува 25 отсто, а во Грција и Шпанија достигна 50 проценти.
Економистите предупредуваат на овој сериозен проблем, кој се уште не е решен.
– Така висока стапка на невработеност меѓу младите има драматични последици за нашата економија, општество, а пред се за младата популација, изјави еврокомесарот за труд Ласло Андор.
Поддршката на европските лидер на планот зависи од спогодбата за наредниот долгорочен буџет за 2014-2020 година, за кој е потребно да се обебзедат речиси илјада милијарди евра.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
