„Новогодишни бои на Скопје“ – избор на најубаво украсени домови

Почнува традиционалната манифестација „Новогодишни бои на Скопје“ која ја организира Град Скопје со која жителите се мотивираат да ги украсуваат своите домови и работни простории. Сите заинтересирани граѓани и правни субјекти што сакаат да учествуваат во манифестацијата може да се пријават на телефонскиот број 3297 265, од 9 до 16 часот, од 11 до 23 декември 2013 година.

Фотографиите од украсените објекти, заедно со податоците за сопствениците, телефонскиот број и адреса, учесниците може да ги испраќаат на интернет-адресата [email protected] или на адресата: булевар Илинден бр. 82, со назнака за манифестацијата „Новогодишни бои на Скопје“.

Традиционално се избира: најубаво новогодишно украсен двор од индивидуална станбена куќа, најубаво новогодишно украсена тераса од стан, најубаво новогодишно украсен угостителски објект (надворешно) и најубаво новогодишно украсен двор на средно училиште.

Пријавените објекти ќе ги посети жири што ќе биде составено од претставници на медиумите.

Наградите на најуспешните ќе им ги додели градоначалникот на градот Скопје, Коце Трајановски, со претставници од „ЕВН Македонија“, на крајот на декември.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.