Зенани и Вини Мандела
Нелсон Мандела, човекот кој ќе остане запаметен како најголемиот борец за човекови права, во текот на политичката кариера заработил богатство вредно милиони евра, но разочаран од односите во неговото семејство парите ги пренасочил во 27 фонда кои наследниците можат да ги користат само во посебни пригоди.
Податоците за наследството не се достапни за јавноста, што ја отежнува процената на вредноста на неговиот имот, во која спаѓаат и луксузната куќа во Јоханесбург, стан во источен Кејптаун, како и авторските хонорари од продажба на книгите.
Мандела трипати се женеше и има триесетина деца, внуци и правнуци.
Во центарот на вниманието се неговите ќерки Маказиве од првиот и Зенани од вториот брак, кои водат правна битка околу контролата на фондот вреден 1,2 милион евра. Овој фонд Мандела го осмислил како еден вид безбедност за ќерките во случај навистина да им се неопходни пари, но ги поттикнал децата да заработуваат сами за живот и да не се потпираат на неговиот имот.
Некогашниот адвокат на Мандела, Џорџ Бизос, тврди дека првиот црн претседател на Јужна Африка бил бесен кога дознал дека ќерките сакаат да ја преземат контролата над фондот.
Една од неговите ќерки, Зенани е обвинета дека поддржала низа недолични организации и проекти за да добие пари од фондот. Нејзините две ќерки, Свати и Зазивам, се ѕвезди од реалното шоу „Да се биде Мандела“. Тие имаат и своја модна линија која се вика „По долг пат до слободата“, име на автобиографијата на нивниот дедо.
Неговата ќерка Макзиве основала винарница „Куќата на Мандела“, која продава вино „мадиба“, по најпопуларниот прекар на Мандела. Таа е гневна бидејќи ја обвинуваат дека го користи името на татко си за да заработи.
Посебна приказна е омилениот внук на Мандела. Полицијата на почетокот од годината покренала истрага против Мандле, под сомнение дека илегално ексхумирал тела на три деца од семејната гробница.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
