Тренерката на Брус Ли продадена за 100 илјади долари

Легендарната жолта тренерка со црни линии која ја носеше Брус Ли во филмот „Игра со смртта“ на аукцијата во Хонг Конг беше продадена по цена од 100,590 долари.

Тренерката е направена од полиестер, но за жал е значително собрана поради лошиот начин на перење, а исто така расипан е и патентот уште од снимањето на филмот.

Ана Ли потпретседателката на аукциската куќа „Spink China“ рече дека понудата ја дал некој „интернет купувач од Азија“ кој покрај тренерката купил 6 од 14 предмети кои биле понудени, а за тоа платил вкупно 230 илјади долари.

Сите работи кои биле ставени на аукцијата се продадени, а исто така е продаден и еден пар жолти нунчаки за 70 илјади долари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.