САД со комеморации и минута молчење ја одбележуваат 50-тата годишнина од атентатот на претседателот Џон Ф. Кенеди, објави „ВОА“. Претседателот Барак Обама нареди денес знамињата низ целата земја да бидат на половина копје во знак на почит кон претседателот кој беше убиен кон крајот на третата година на неговиот прв мандат во Белата куќа.
Со биење на камбаните во Далас, сојузната држава Тексас, каде се случи атентатот, и со минута молчење на други места симболични за животот и постигнувањата на Кенеди, Американците ќе оддадат почит на еден од најпопуларните американски претседатели. Историчарот и добитник на Пулицеровата награда Дејвид Мекала на главната комеморација ќе прочита делови од најпознатите говори на Кенеди, а ТВ-мрежата Ен-Би-Си ќе емитува дел од своите првични извештаи по атентатот.
на гробот на Кенеди на Националните гробишта Арлингтон, кажа дека неговиот славен претходник ќе остане во сеќавањето како несекојдневен јавен работник со широка визија и трезвен идеализам.
Кенеди беше на 46-годишна возраст кога беше застрелан во отворена лимузина за време на посетата на Далас. Бруталноста на фаталниот истрел во мозокот ги шокираше сведоците и го разжалости целиот свет, па дури и
тогашниот противник на Кенеди во Студената војна, советскиот водач Никита Хрушчов. Многумина Американци минаа насолзени недели со ТВ-снимките на вдовицата Џеки и двете деца на погребот.
Атентаторот Ли Харви Освалд беше убиен два дена по атентатот, додека властите го префрлаа од полициска станица во притвор, инцидент што исто како и атентатот на Кенеди, беше фатен на снимките на фотографските и ТВ-камери. Убиецот на Освалд, Џек Руби, сопственик на ноќен ресторан во Далас кој наводно бил гневен поради атентатот, беше осуден на смртна казна, но почина во затвор додека се жалеше на пресудата и бараше ново судење. Мотивот на Освалд да изврши атентат врз Кенеди најверојатно никогаш нема да се дознае. Освалд бил маринец кој пребегал во Советскиот Сојуз во 1959-та, но потоа се вратил во САД во 1969-та.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
