Крај на една ера, „винамп“ заминува во историјата

Музичката услуга винамп (Winamp) оди во пензија. Услугата на АОЛ ќе биде прекината на 20 декември 2013 година. По 15 години, овој чекор ќе влијае и на веб-страницата Winamp.com, услугите поврзани со неа и со нејзините медиа-плеери.

Во 2010 година излезе верзијата на винап за андроид, но за оваа платформа, тој, за жал, не успеа да стане многу популарен. Со развојот на технологијата и појавата на „ај тјунс“ и електоронските услуги за слушање музика, како Spotify и Pandora, винап самоуверено ја напушти сцената.

Сепак, винамп има определено место во историјата. Присуствувал како главна музичка кутија на многу домашни забави уште од времето на Windows 98. Овој плеер продолжи да биде масовно користен дури и при излегувањето на Windows XP, а бројните додатоци го правеа навистина мултифункционален, додавајќи му дополнителни функции, визуелизации и секакви можности за подесувања на звукот. Тоа дополнително го зголеми интересот на потрошувачите кон него и можеби затоа толку долго време продолжи да присуствува на милиони компјутери во светот.

Последната надградба на винап за Windows беше лансиран вчера, а верзијата за андроид не е ажурирана од 14 октомври, пренесе „Сошал нет“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.