Невеста избегала од свадба и му ја нарачала на младоженецот „Извади го прстенот од десната рака“

Српска невеста се пишманила што се омажила уште на свадбената веселба, залепила 20 евра на музичарите за да ја отсвират „Извади го прстенот од десната рака“ на Шабан Шаулиќ и заминала.

Својата несреќна приказна младоженецот ја раскажал на едно српско радио.

– Ја видов кога ја нарачуваше песната и мислам дека даде и 20 евра. Ги собра подароците и замина. Што да ви кажам, животот оди понатаму, некој вели којзнае зошто тоа е добро. Едноставно ете така е. Не ја побарав потоа, ниту ми треба кога таков удар ми зададе, вели повредениот младоженец.

Тој низ смеа додал дека е во потрага по нова невеста која на свадбата ќе ја врзе за да не побегне како претходната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.