Пред неговата изјава јавноста прашуваше зошто не се објавува писмото што американскиот претседател Обама го испратил  до официјална Тирана на 9 ноември а дел од активистите кои ги органзираа протестите прашуваа и зошто не се откриваат можните ризици од процесот на уништување на оружјето.24 часа пред обраќањето  на премиерот американскито амабсадор Александар Арвизу за тиранската теелвизија Топ Ченел изјави дека неговата земја ќе биде разочарана од евентуално одбивање на барањето на Вашингтон. Со тоа тој индиректно најави заладување на стратешките партнери САД и Албанија.

– Јас не би сакал да ги коментиран одлуките на албанската влада, но морам да кажам дека ќе биде разочарувачки за САД ако одлуката биде негативна. Имаме доволно  време и енергија за да обезбедиме најдобра експертиза за да се изведе оваа операција .

Сомнежи за потенцијалот на Албанија да го уништи опасниот гас има и Организацијата за превенција од хемиско оружје која на вонреден состанок во Хаг се консултираше за последниот развој на настаните.  Во анализата на оваа организација се споменуваат и последиците од уништување на дел од  албанското хемиско оружје кое се случи во 2007 кое според локални жители причинило загрозување на здравјето и животната околина во местото Ќафамол.  Според планот што го договорија САД , Русија и Сирија огромниот хемиски арсенал на Башар Ал Асад треба да се уништи до средината на идната година. Доколку Албанија целосно се повлече од барањето на Америка најверојатно тоа ќе биде уништено во Франција или Белгија.