Јосиф Лешочки нов владика на Кумановско- полошката епархија

josf lesocki

Погрижи се да се сочуваат и обноват старите храмови и манастири, а гради и нови каде што ќе има потреба. Но, најмногу погрижи се за верата, за духовната надградба на народот што ти е доверен му порача архиепископот на МПЦ г.г. Стефан на новоизбраниот митрополит на кумановско- осоговската епархија г. Јосиф, јави Канал 5.

Со светата архиерејска литургија денеска во соборниот храм Свети Никола во Куманово чиноначалствуваше архиепископот Охридски и Македонски г.г. Стефан во сослужение со архимандритите и намесниците од другите епархии.

– Од тебе, како млад архиереј очекуваме да продолжиш таму кадешто претходниците застанаа. Настојувај да го зајакнеш својот позив и избор, зашто на таков начин може да се влезе во вечното Царство на нашиот Господ Исус Христос, советува св.ап. Петар. А тоа ќе го исполниш, ако неуморно го проповедаш Евангелието и ако постојано живееш според него порача архиепископот на МПЦ г.г. Стефан.

Светиот архиерејски Синод на МПЦ во септември годинава одлучи со новоформираната кумановско -осоговска епархија со седиште во Куманово да раководи досегашниот викарен епископ на починатиот митрополит Кирил од поранешната кумановско полошка епархија , владиката Јосиф.

– Мојата мисија ќе биде проповедање на црковните духовно-морални идеали и нивна примена во современиот живот како и постојано сведочење за вистината и убавината на православието и неговото вклучување во секојдневниот личен, семеен и опкрстен живот на секој човек рече митрополитот кумановско-осоговски г.Јосиф

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.