Педесет и тригодишен маж е пронајден мртов во кругот на Основното училиште „Мурат Лабуништа“ во струшкото село Лабуништа.
Откако во текот на вчерашниот ден починатиот, кој работел како служител во училиштето, не се вратил дома, неговото семејство утринава околу 5 часот го побарало на работното место, каде што го пронашле неговото мртво тело.
Портпаролот на Секторот за внатрешни работи од Охрид, Стефан Димоски, за МИА го потврдил настанот, но истакнал оти нема траги на насилство врз телото на починатиот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
