Тетовчанецот С.А.(60) вчера во Полициската станица Тетово, пријавил кривично дело „загрозување на сигурноста“ извршено од страна на Ф.А.(29) од Тетово.
Настанот се случил во Горна Чаршија – Тетово каде С.А. имал тезга за продавање на овошје, каде што со патничко моторно возило „Сеат Кордоба“ дошол Ф.А. кој се паркирал до тезгата и го попречувал оштетениот да ја растовари стоката од трактор.
Додека се расправале, Ф.А. излегол од возилото и физички го нападнал Н.А. брат на С.А., по што се качил во возилото, го стартувал и со голема брзина се обидел да вози кон С.А. кој со метална шипка удрил во шофершајбната и ја скршил.
Се преземаат мерки за расчистување на случајот по што ќе биде поднесен соодветен поднесок.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
