Грчки лобист против Македонија, вмешан во секс скандал и осомничен за корупција

Боб Менендез, американскиот сенатор од Њу Џерси, наследникот на местото на Џон Кери (новиот државен секретар на САД), претседател на комитетот за надворешни работи на Сенатот, е осомничен за корупција вредна стотици милиони долари. Тој минатата година беше вмешан и во секс скандал со проститутки во Доминиканскара Република, пишува порталот МКД.МК

Американскиот сенатор негирал дека имал секс со малолетни проститутки во Доминикаската Република, и дека си ги платил десетиците илјади долари за летови до Карибите со приватен авион на богат американски донатор.

Сенаторот Роберт Менедез објавил чудно соопштение среде растечките контроверзи околу еден од неговите донатори, д-р Саломон Меген.

„Сите инсинуации за односи со проститутки се смислени од политички мотивираниот десничарски интернет блог и се невистинити“, изјавил портпаролот на Менендез, кој е претставник на сојузната држава Њу Џерси од 2005 година.

Две жени од Доминиканската Република изјавиле за сајтот Дејли колер (The Daily Caller) дека 58-годишниот Менедез им платил за секс минатата година во одморалиштето Каза де Кампо. „Тој себеси се нарекуваше Боб и наместо 500 плати само 100 долару“, кажала една од жените за сајтот.

Менендез наводно престојувал на имотот на д-р Мелген, очен специјалист и пријател на сенаторот. Проституцијата е легална во Доминиканската Република.

И додека упорно демантира каква било поврзаност со проститутки, канцеларијата на Менендез објавила дека тој му платил на Мелген за двете патувања во Доминиканската Република со приватниот авион на докторот во 2010 година.

Еден од помошниците на сенаторот изјавил дека тој на Мелген му платил 58.500 долари за патувањата, кои претходно не биле објавени.

Американските медиуми објавуваат дека ФБИ ги истражуваат Менендез и Меглен за проституција со малолетнички и за зделка вредна повеќе од 500 милиони долари. Доктор Меглен неодамна купил компанија која се занимава со проверки на бродски товари. Компанијата имала договор со пристаништата во Доминиканската Република, но тамошните власти одбиле да го почитуваат договорот, сметајќи дека тој е штетен за земјата и дека бил потпишан на криминален начин.

Сенаторот Менендез, преку Комитетот за надворешни работи, јавно се заложил Доминиканците да го почитуваат договорот со компанијата на неговиот пријател. ФБИ веќе изврши рација во канцелариите на Меглен и запленија десетици кутии со документи.

Менендез е еден од најгласните поддржувачи на грчкото лоби во САД и чест поднесувач и потписник на про-грчки резолуции против Република Македонија, во кои место уставното име се користи времената референца, и Македонија се обвинува за иредентизам.

Заедно со сенаторката со грчко потекло Олимпија Сноу, која неодамна најави повлекување од Сенатот, Менендез е сопотписник на бројни предлог-закони, декларации и новинарски написи насочени против Република Македонија. Менендез и Сноу во 2008 година неколку месеци го одложија именувањето на Филип Рикер за амбасадор во Македонија, барајќи од Рикер да даде јасен прогрчки став во врска со спорот за името.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.