Кавадаречките лозари најавија блокади од понеделник

Лозарите од кавадаречко, незадоволни од продажбата на винарската визба „Винеа” ќе блокираат автопати, најави денеска регионалниот сојуз на лозари „Агротиквешија” од Кавадарци.

Блокадата ќе трае од 13 до 15 часот.

– Ќе ја блокираме клучката на излезот од Росоман кон правците Скопје, Прилеп и Кавадарци поради незадоволство од случувањата во винарската визба „Винеа” во селото Паликура. Бараме поништување на купопродажниот договор со кој е продадена винарницата за над милион и 250 илјади евра бидејќи знаеме дека вреди многу повеќе. Имаме поднесено приговор на таквата одлука, истакна претседателот на „Агротиквешија” Љупчо Аризанов.
Блокадата ќе биде секојдневна, а нејзиното времетраење постојано ќе се зголемува се до конечно решавање на случајот. Лозарите од „Винеа” побаруваат над 600.000 евра, а се плашат дека од продажбата ќе биде исплатена банката, но не и тие.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.