Пејачката Оливера Ѓоргоска, која веќе две години живее на Флорида, наскоро планира да ја промовира новата песна на англиски јазик. Песната и спотот се снимени ова лето, а промоцијата за Македонија ја најавува за деновиве, бидејќи есента за неа е најпогоден период за работа, пишува Вечер.
– Спотот треба да биде промовиран за некој ден, и тоа на една од нашите телевизии, за жал, јас нема да бидам во Македонија, се враќам следното лето. Песната е дело на Гоце Симоновски, човекот кој ги направи поголемиот дел од моите песни, а текстот е мој. Кога ќе бидат готови и останатите песни кои ќе бидат спакувани во мини-албум, имам во план да направам нивна промоција и низ Америка, а она што сакам да го откријам е дека моментално сум во преговори со една американска продукција – вели Оливера.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
