Нова детска градинка за 80 дечиња во Идризово

Од шеесет до осумдесет деца ќе бидат згрижени во новата детска градинка „Морковче“ во Нова Колонија Идризово.

Со детски песни и кореографии дечињата го означија почетокот на работата на новата градинка во која ќе бидат сместени три категории на деца: јасли, мала и голема група.

Премиерот Никола Груевски, кој присуствуваше на отворањето на градинката, истакна дека новите генерации значат и нова иднина.

-Придобивките од отворањето на новите градинки се повеќекратни и се отвора капацитет за сместување на дечиња блиску до нивните домови, што е во нивна и во корист на нивните родители, истакна премиерот.

Тој посочи дека во изминатите 50 години двојно е намален бројот на новороденчиња, а Владата води политики кои имаат за цел да ги поттикнат родителите да имаат повеќе деца и да ги прошират семејствата.

Министерот за труд и социјална политика, Диме Спасов, посочи дека новиот објект ја покажува континуираната заложба на Владата и дека во иднина децата и нивното згрижување ќе им биде најголема мотив и цел.

-До крајот на годината ќе бидат отворени уште четири нови градинки, а реконструирани и адаптирани се уште 15, посочи Спасов.

На отворањето присуствуваа и градоначалниците на Скопје и Гази Баба, Коце Трајановски и Тони Трајковски.

Повеќе фотографии на Курир.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.