Македонска гордост се борците во џиу-џица, се вратија од Србија со 10 медали

Нашата репрезентација во бразилска џиу-џица „The Strongest & Roots BJJ Macedonia“ во саботата настапи на силниот турнир во Србија „BJJ Open 2013“, покрај повеќе од 260 натпреварувачи од Србија, Хрватска, Црна Гора, Грција, Германија, Полска, Чешка, Данска, Унгарија, Русија, Бугарија, Австрија, БиХ, Хрватска, Словенија, Романија и Албанија.

Екипата, која е составена од натпреварувачи од  македонските клубови, официјални членки на Федерацијата на Р. Македонија во бразилска џиу-џица, под водство на селекторот Ивица Алексовски, освоија 10 медали во различни категории и сјајно ја претставија македонската БЏЏ сцена.

Три златни медали освоија Менка Стојаноска, Давид Ровчанин и Бојан Христовски во нивните тежински категории.

Три сребрени недали освоија Селма Биберовиќ, Никола Костадиновски и Александар Заткоски во нивните тежински категории. До 4 бронзени медали се закитија Бојан Диков, Стефан Митров, Менка Стојаноска и Селма Биберовиќ.

Организатор беше Српската федерација за БЏЏ, на чело со црниот појас од Србија, Јован Жерјал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.