Заложничката драма во Париз заврши без жртви- киднаперот се предаде

CICI-police-m

Вооружениот маж, кој попладнево држеше четворица заложници во филијала на француска банка во Париз, вечерва и се предаде на полицијата.

Мажот околу 14:50 вооружен со пиштол влегол во филијала на банката ЦИЦ во 13-от арондисман на Париз, на Авени де Гобелин, при што земал четворица заложници – две жени двајца мажи.

Прво ги ослободил двете жени, а по еден час и еден од мажите, за на крајот да и се предаде на полицијата и да го ослободи и последниот заложник.

Полицијата соопшти дека мажот барал да преговара и настојувал да му биде доделен државен стан, во кој ќе живее со неговиот син.

– Со помош на локалните власти и префектурата, внимателно го разгледуваме неговото барање, изјави претставник на полицијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.