Програмата за бесплатно телефонирање „Скајп“ (Skype) на американскиот гигант „Мајкрософт“ се најде под истрага на судските органи во Луксембург, поради откривање кориснички податоци на Американската национална безбедносна агенција – НСА. „Скајп“ поради даночни олеснувања има седиште во Луксембург, чијшто Устав го гарантира правото на приватност и прислушувањето на комуникациските канали смее да се врши само со судска дозвола и затоа властите во земјата повеле истрага за тоа.
НСА влегла во системот VOiP уште во јуни минатата година, а „Мајкрософт“ ѝ овозможил на НСА пристап до електронската пошта на своите корисници. Официјалните извори во Луксембург одбиле да ја коментираат истрагата, а медиумите шпекулираат дека е можно власта веќе да ја казнила компанијата, но без знаење на јавноста.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
