Плејбој зајачица за тренер на Левски од Софија?

Откако тренерот Ивајло Петев заврши гол на промоцијата на тренерската позиција во Левски од Софија, нема ниту еден стручњак кој би седнал на клупата на овој клуб.

Кризата, радикалните навивачи и преамбициозниот сопственик Тодор Батков се причините поради кои фудбалскиот клуб се уште е без тренер.

Сепак, претседателот на партијата „Бугарски мажи“ Росен Марков има идеја како да се надмине ситуацијата. Марков на газдата Батков му предлага за тренер на клубот да биде поставена една од најатрактивните Бугарки- Николета Лозанова.

– Имам два многу силни аргументи со кои ќе објаснам зошто мислам дека Николета е идеална за оваа позиција. Прво, таа е многу добро позната на фудбалерите. Второ, нејзината фигура и одговара на машкото око, рекол Марков.

Николета е Плејбој зајачица, старлета и девојка за која медиумите во Бугарија поврзуваа голем број фудбалери.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.