Ќе излезе ли Бејл од сенката на Роналдо?

Проблемите со физичката кондиција што резултираа со повреда, па и фактот дека дојде во нова земја, нов клуб, се причините поради кои Герет Бејл не ја оправда титулата на најскап фудбалер во светот или, пак, нешто друго го спречува?

Поранешниот тренер на Велшанецот, Хари Реднап, смета дека Бејл нема да може целосно да се докаже и да ја оправда цената, сѐ додека не излезе од сенката на Роналдо.

– Неговиот најголем тест ќе биде да излезе од сенката на Роналдо и да заигра полн со самодоверба. Роналдо е најголемата ѕвезда во Реал и фудбалер кој сака да ги изведува сите прекини. Затоа Бејл ќе мора да покаже став, самодоверба и да се наметне. Мора да размислува дека е фудбалер од 85 милиони фунти и така да се однесува. Треба да преземе одговорност и да бара шанса – изјави Реднап.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.