Индиски доктор се грижи за Ацо Конга

Според пејачот Јоце Панов, кој беше првиот кој соопшти во јавноста за лошата здравствена состојба на познатиот перкусионист Ацо Конга, веќе неколку недели се грижи доктор од Индија кој лекува со помош на алтернативна медицина. Меѓу останатите работи, како дел од лековите на индискиот доктор се и отров од сина шкорпија и семки од кајсија.

– Само дома си е дома – кратко изјави Ацо Конга за Телеграф на прашањето како се чувствува после компликациите со здравјето што му се случија периодов.

Македонскиот музичар неодамна ја загуби раката, но сѐ уште е во лоша здравствена состојба, а за неговата терапија се потребни околу 15 илјади евра. Покрај жиро-сметката и броевите за помош, викендот во организација на „Горила продукција“ низ целата држава беа организирани свирки, претстави и концерти, а парите од влезниците на истите беа донирани на сметката на Ацо Конга.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.