Нема веќе куси здолништа и деколтеа за учителките во Кисела Вода

Учителките, наставниците и негувателките во градинките отсега нема да можат да носат куси здолништа, нападна шминка и накит, дречливи нокти и многу високи потпетици.

На трибината на тема „Нашата облека – говор без зборови“, која денес се одржа во Општина Кисела Вода, раководителот на одделението за предучилишно воспитување Ирина Момироска ја нагласи суштинската улога на просветните работници и нивниот изглед во процесот на едукација и образовање на најмладите.

– Луѓето во 55 проценти го перцепираат вашиот изглед, 38 проценти ве гледаат како зборувате, а само седум проценти ве слушаат што зборувате. Тоа го покажуваат најновите истражувања – информираше професорката Маљковиќ Атанасовска укажувајќи на некои пораки што можат да се прочитаат од изгледот.

Истовремено, таа укажа и на тоа како изгледот може да влијае врз децата, нагласувајќи им на присутните дека облеката треба да ги задоволи трите принципи – удобност, професионалност и индивидуалност.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.