Актуелниот бугарски министер од 2004-та до 2005-та година добил надоместок во износ од 15 илјади евра од француската асоцијација Аседик. Данов немал право на овие пари, но ниту Франција, ниту Бугарија не биле заинтересирани за случајот, пишува францускиот весник „Експрес“.

Експрес критикувајќи го бугарскиот политичар пишува дека „малку министри во цела Европа можат да се пофалат со такво искуство да бидат запишани во бирото за вработување по отпуштањето од економски причини, и за тоа да добиваат помош за невработеност“ од 1850 евра месечно. Згора на се, тој немал право на овие пари, затоа што додека земал помош од француската држава, тој работел на различни позиции во Бугарија, без да ја информира француската влада. Данов сиве овие години ја премолчувал оваа случка од својот живот, во периодот кога живеел во Франција.