Ракописот го открива вашиот карактер

Дали знаете дека ракописот може да покаже 5,000 различни особини. Големината на буквите, просторот што го оставате меѓу зборовите, формата на буквите, сето ова означува некаква ваша лична карактеристика.

Големина на букви

Доколку пишувате со мали букви вие сте срамежлива, повлечена, прецизна и сконцентрирана личност. Наспроти ова доколу пишувате со големи букви значи дека сте лесно прилагодливи на било каква ситуација.

Простор меѓу зборови

Ако оставате поголем простор помеѓу зборовите, тогаш вие уживате во својата слобода и не сакате да бидете преоптоварени. Оставање на мал простор помеѓу зборовите укажува на тоа дека вие не можете да опстанете сами и постојано ви треба некој.

Косина на пишување

Доколу не ги накосувате буквите, тогаш не сакате емоциите да ве совладуваат, претпочитате да се водите според разум, логичност и практичност.

Накосеното пишување надесно дава до знаење дека сте отворена личност спремна за нови предизвици и нови пријателства.

Ако сте леваци, тогаш накосеното пишување налево е знак дека сакате да покажете уникатност. Но, ако сте деснаци тогаш тоа е знак на бунтовност.

Обликот на буквите

Ако пишувате ракописно со заоблени букви, вие сте уметничка душа и сте многу креативни.

Ако пишувате печатно, тогаш тоа е знак дека сте агресивни, љубопитни и високо интелегигентни.

Доколку пишувате ракописно и слеано, јасно е дека сте логичари, темелни и внимателно донесувате одлуки.

Буквата „Т“

Доколку пишувате подолга цртичка на буквата „Т“ , вие сте многу одлучни и ентузијастични. Но и честопати знаете да бидете тврдоглави и тешко се збогувате од личности или предмети.

Кратката цртичка покажува дека сте неодлучни и многу мрзливи.

Притисок на пенкалото

Доколку стискате повеќе со пенкалото додека пишувате, тогаш сте многу посветени и отворени кон сериозни чекори (како сериозна врска, брак, бебе…).

Ако пишувате бледо, тоа е знак дека покажувате сочуство кон луѓето, но и дека сте многу пасивна личност.

извор: Бркај работа

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.